Санаи 09.01.2025 дар ҷамъбасти ҳисоботи солонаи Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон, директори Коллеҷи техникии ДТТ ба номи академик М.Осимӣ, НИЗОМЗОДА Зокирҷон Мукарам барои саҳмгузорӣ дар таълиму тарбияи насли ҷавон, заҳмати содиқона, роҳбарии хирадмандона, ташаббусҳои созанда ва саҳми арзанда дар рушди низоми таҳсилоти касбӣ, тайёр намудани мутахассисони соҳибихтисос ва боло бурдани нуфузи Коллеҷи техникӣ аз тарафи раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон академик Фарҳод Раҳимӣ бо нишони “Аълочии соҳаи таҳсилоти ибтидоӣ ва миёнаи касбии Тоҷикистон “ва сипосномаву ифтихорнома дар як фазои тантанавӣ қадрдонӣ карда шуд.
Аҳли кормандони Коллеҷи техникии ДТТ ба номи академик М.Осимӣ роҳбари муассиса НИЗОМЗОДА Зокирҷон Мукарамро ҷиҳати мушарраф гардиданаш бо нишони “Аълочии соҳаи таҳсилоти ибтидоӣ ва миёнаи касбии Тоҷикистон” самимона табрику муборакбод намуда, ба ӯ тандурустии бардавом, нерӯи тоза, муваффақиятҳои нав, обрӯю эътибори беш аз пеш ва комёбиҳои пайдарпай дар фаъолияти пурмасъули роҳбарӣ таманно доранд. Бигзор ин нишони баланд боиси сарафрозӣ ва ҳавасмандии фаъолияташон гардад.
