МАЪЛУМОТИ УМУМИ ОИД БА ФАЪОЛИЯТИ ШУЪБАИ ИЛМ

Қисми илм сохтори таркибии коллеҷи техникии ДТТ ба номи академик М.Осимӣ ба ҳисоб рафта, фаъолияти худро дар асоси санадҳои меъёрию ҳуқуқии соҳа ба роҳ мондааст. Шуъбаи илм дар сохтори коллеҷ соли 2016 ташкил карда шуда, таъиноти асосии он назорат ва такмили фаъолияти илмии муассисаи таълимӣ мебошад. Шуъбаи илм бо кафедраҳои коллеҷ ва донишҷӯён фаъолияти зич дошта, ташкил ва гузаронидани конференсияҳои сатҳҳои гуногун, маҳфилҳои илмӣ, семинарҳо, мизҳои мудаввар ва ѓайра масъул мебошад. Корҳои илмии омӯзгорон ва фаъолияти илмии кафедраҳо ҳамеша таҳти назорати шуъбаи илм мебошад. Ҷиҳати тақвият бахшидан ба корҳои илмии омӯзгорон бо Қарори Шӯрои олимони коллеҷ ба омӯзгорони асосӣ, ки рисолаи номзадиашро дар Шӯрои диссертатсионӣ ҳимоя мекунад дар ҳаҷми 10000 (даҳ ҳазор) сомонӣ ва рисолаи докториашро ҳимоя мекунад дар ҳаҷми 20000 (бист ҳазор) сомонӣ кӯмакпулии яквақта сарфароз гардонида мешавад. Албатта ин Қарори Шӯро таъсири мусбӣ расонида, дар давоми 3 соли охир 12 нафар омӯзгорони асосӣ рисолаи номзадиашонро дар Шӯрои диссертатсионӣ ҳимоя намуда, ҳайати омӯзгорону профессоронро тақвият бахшиданд.  Гузаронидани чорабиниҳои илмӣ дар давоми сол ба нақша гирифта шуда, бо иштироки меҳмонон, омӯзгорону кормандон ва донишҷӯён дар сатҳи баланд баргузор мешаванд.

Дар коллеҷ нашри маҷаллаи «Навовари ҷавон» аз соли 2016 ба роҳ монда шудааст, ки моҳе як маротиба нашр карда мешавад. Ҳаёти имрӯзаи коллеҷ, дастовардҳо ва камбудиҳо, оид ба фаъолияти омӯзгорон ва донишҷӯён дар маҷаллаи мазкур васеъ нашр карда мешавад.

Натиҷаҳои корҳои илмӣ-тадқиқотии устодон мунтазам дар раванди таълим дар коллеҷи техникӣ  татбиқ гардида, барои таҷдиди маводҳои лексионӣ, омодасозии монографияҳо, китобҳои дарсӣ, васоити таълимӣ ва таълимӣ-методӣ истифода мегарданд.

Ба қисми илм чунин сохторҳои зер тобеъ мебошанд:

  • Шуъбаи илм ва инноватсия;

  • Китобхонаи илмӣ;

  • Китобхонаи электронӣ;

Дар айни замон дар шуъбаи илм 4 нафар фаъолияти меҳнатӣ мекунад, муовини директор оид ба илм – Азимов Холиқназар Ҳакимович, номзади илмҳои техникӣ и.в. дотсент, сармутахассиси шуъбаи илм Султонзода Минуи Ҷовид  мутахассисони пешбари шуъбаи илм  Алиев Рустам ва Юсупова Нигина мебошанд.